قصة مسلسل suits الجزأ الاول

اليوم جبت ليكم واحد سيري امريكية  الاسم ديالها suits  سيري مجموع فيها الضحك و الجدية، هاد سيري ماشي جديدة بدات من 2011 او باقي كيخرجو الحلقات ديالها كتكون من 7 الاجزاء .
المهم نلخص ليكم القصة ديالها بدون حرق الاحداث و شنو اتستافدو منها :
القصة كتحدث على واحد الشاب طموح سميتو مايك روس هو شاب دكي و عندو القدرة على حفظ اي شيء و مكينساهش من بعد  بمجرد انه غير يقراها مرة وحدة  واحد النهار كان عندو امتحان في الجامعة و دوز الامتحان ف واحد المدة و جيزة و حفظو  عن ظهر قلب و خرج و باعو لواحد الدرية،  هنا اتعرفو معندوش الزهر هاد الدرية صدقات هي بنت العميد اللي غيكشف الامر ديالو و غيفصلو و باش زاد كمل عليه ان الشاب مايك كان مقبول فجامعة هارفرد و قام العميد بسحب الملف ديالو ، و  هنا  مايك غيشوف حياتو مشات و مستقبلو
واحد المرة ايطرا ليه مشكل  و غيكون هارب من لبوليس و بصدفة غيدخل لمقابلة عمل ديال مساعد محامي و المحامي هنا هو هارفي سبيكتر احسن محامي في المدينة من بعد ايعاود ليه مايك على قصتو  و غيكون واحد الكتاب قدام هارفي ايقوا ليه مايك : حل اي صفحة و قرا ليا ، هارفي بدا كيقرا ، شوية مايك كمل معاه القراية ... هنا هارفي عرف مايك هو التوأم ديالو،  فبالرغم انه متخرجش من هارفرد غادي يخدمو و غادي يغامر  واخا السياسة ديال الشركة كتخدم مجرد خريجي هارفرد من هنا اتبدا القصة في الشركة .
واش مايك ايتكشف الامر ديالو انه خدام بلا شهادة من هارفرد ؟
 وكيغادي يدير حتى يخبي  على الرئيسة ديال الشركة ؟
نخليكم تفرجو
و الاسباب للي ختخليك تعشق هاد سيري انها دروس :
1 اتعلم التقة في النفس من هارفي سبيكتر
2 المسلسل دروس ف الاناقة و الموضة بنسبة لدراري و دريات، منها لاحظت واحد الحاجة البدلة للي كيلبسو الناس عدنا لخدمة هوما كيلبسوها لجنازات .
3 ناس ديال القانون اتعلمو منو شحال من حاجة و اتانسبيراو منو خلينا من مداولة 😂