هل فعلا الجن يتلبس بالإنسان
المجتمع كيتصور أن الجن كائن خارق قادر علي أنه يدير أي حاجة، يقدر يتلبس ببنادم يقدر يهدم دار ويطرد ساكنة من مدينة، ويقدر يوصل حتي لقتل إنسان أو جماعة ديال الناس.
هادشي واش حقيقي؟
"لا" هادشي كلو خرافي، وأسطوري، لأن هاذ الإدعائات كاملة غنهدمها بحديث واحد ديال رسول صلي الله عليه وسلم "لو إجتمع الإنس والجان على أن يمسوك بضر لن يمسوك إلا بشيئ كان قد كتبه الله لك".
تخيل معايا أن الجن والإنس الله جمعهم باش يأدوك ومقدروش، لأنك إلي كنتي كتأمن بالله مستحيل تأمن شي قوة أعلي من قوة الله،" إحفض الله يحفظك" فاش كتأمن بأن الجن عندوا هديك القدرات الخارقة فرانك شركتي بالله حيث الله هو بحدوا القادر علي كل شيء.
غادي تسولني علاش واحد خلتي تسكنات، وفيها جنون وكالها لينا الفقيه، أولا الفقهاء ولاو دايرين هاذ القضية ديال رقية حرفة وكيتنافسوا فيها، ويدعون أنهم يخرجون الجن، وهم كلهم بدون إستتناء فقط دجالون، يستغلون جهل ناس، والفضائح ديال رقات لا داعي نذكررها لأنكم تعرفونها أحسن مني.
شنو واقع لهادوك ناس لي كيقولوا انهم ساكنهم الجن؟ هم مرضى نفسين، أو يعانون من صرع، أو وقعت لهم أزمة فوظائف الدماغ جعلتهم فهديك الحالة.
لو قلتي لي علاش الفقيه فاش كيقرا عليهم كيبداو يغوتوا ويهدروا كلام غير مفهوم وكيتشافوا؟ كيف قلت ليك مشكل نفسي، كيتشافوا منو عن طريق القرأن لأنهم يأمنون وفدماغهم بلي فعلا فيهم الجن لذلك يتغلبون علي مرضهم فاش كيتقرا عليهم القرأن لأنهم يعتقدون أن القرأن يحرق الجن.
باش نشرح لك مزيان وتوضاح لك رؤية راه حتا لهنود كيٱمنوا بأن الجن يسكن يسكن الإنسان، وفاش كيجي راهب الهندوسي كيقرا عليهم ماشي القرأن، كيقرا ترانيم ديالهم وكذلك الأمر بنسبة للمسحيين، والقبائل لي كاينة فإفريقيا الوثنية، وحتا هما كيبداو ينثقو كلام غير مفهوم وكيتشافوا علي يد راهب.
وإلي مكنتيش مقتانع نسولك سؤال: علاش الجن كيسكن غير ناس لي كتلقاهم عايشين فالمناطق المنكوبة ومعندهمش مستوي ثقافي؟ علاش ميسكنش فالدكاترة وف"الأساتذة" وف"العلماء" وفهدوك "الرقات" برسهم؟
وفالأخير الجن موجود، لكنه مخلوق عادي كالإنسان، لا يقدر أن يؤثر علينا ولا نقدر علي أن نأثر عليه، كلها عايش حياتو ويوم الحساب كل واحد غيتحاسب علي حدة.
ملي كيتجبد الجن عند المغاربة كيتجروا معاه جوج مواضيع السحر والكنوز .. 😂😂
