جودة مياه الشرب في مدينة اكادير

هل استعمال قلة الطين ينظف الماء

جهاز لقياس جودة الماء

السلام عليكم  اصدقائي.
كيف هي جودة الماء بصنابير جهة سوس ماسة و خصوصا بمدينة أكادير المغربية ؟ هذا ما سنراه في هذا الموضوع ..

شريت واحد التيستور ديال جودة الماء من شركة شياومي من الصين ( جهاز لقياس جودة ماء الحنفية ) و بديت تنقيس جودة مياه بعض أحياء مدينة أكادير، مع العلم أن وحدة القياس هي :
ppm ) parties par million )
و اللي تتعني الشوائب و المعادن في المياه.  كلما كانت ppm قليلة كلما كان الماء نقي.
أجود ماء صالح للشرب خصوا يكون أقل من 50. ( صعيب تلقاه).الا الى مشيتي للأمازون 😁
ماء مفيلتري بجهاز فلترة بالكاربون و الرمل و التواشا لوخرين تايكون أقل من 100ppm. ( و داكش لي لقيت فسيدي علي و سييل 110 بالظبط). قاليك ماء طبيعي 🤔

و الماء ديال شبكة توزيع المياه فالمدن و الدول خصها تكون بين 100 و 300 ppm كحد أقصى. مي يا مي

ودابا فين فهمنا أجيو نشوفو جودة المياه فمدينتي العزيزة. في المركز الأول كأسوأ حي ومكان فاش تشرب من الروبيني.

1-أكادير المركز  سونتر فيل 540 ppm : كارثة بكل المقاييس و الدافع لي خلاني نشري تيستور هو أني خدام فسونتر فييل و متنقدرش نشرب من الروبيني عكس البيت ديالي  وقلت نقيسو و بالفعل كانت الصدمة مياه ملوثة بشدة و غير قابلة للشرب ( تتشرب تتبغي تبوع ).

2- حي السلام للتحت : 430 ppm فايتين الحد الأقصى و باقيين في مرحلة جد ملوثة .

3- ليراك و أنزا 340 ppm: وهذه أقل نسبة لقيت فأكادير لحدود الساعة و لي ساكن فأنزا ولا ليراك تيحس بالماء شوية مزيان و قابل للشرب. رغم انه فايت الحد الاقصى فالمعايير الدولية.
المهم كيفاش باقي عايشين داكشي عالم بيه غير الله
_________________________________________

من بعد البوسط لي لحت  الفوق على قياس جودة الماء في أكادير، تفجأت بشدة بكثرة التفاعلات و الردود و التعاليق، و ذلك راجع لحساسية الموضوع اللي تيمس أهم حاجة مؤثرة فصحتنا و صحة ولادنا، و طرحات تساؤلات و نقاشات و حوارات جانبية للبحث عن بدائل و حلول و صراحة بقدر ما حزنت على جودة مياه مدينتي ، استمتعت بهذه النقاشات و حسيت بالمعاناة ديال الناس و خصوصا الأمهات اللي  كثرة بحثهن عن الحلول بينات  على الخوف الشديد ديالهم على وليداتهم و عائلاتهم.
السؤال لي تسأل بشدة هو گلة الماء أو الإيناء الطيني لي تنديرو فيه الماء باش يبرد و يزيان، واش تينقص من تلوث الماء أو تينقص من الشوائب و المعادن الثقيلة لي فيه أو واش تتأثر على الماء بطريقة أو بأخرى بالنسبة لهذا الاخيرة فنعم فوضع الماء فالقلة يعيد الروح و الطاقة للماء وفقا لدراسات أمريكية و غربية فيكون أكثر إفادة للجسم، لكن واش الگلة تتنقي الماء أو تتصفيه أو تتشرب السموم لي فيه, للأسف لا، فالماء الملوث تيبقي ملوث ونسبة ppm تتبقى هي هي أو تتنقص ب 10 ولا 20 ،وهي نسبة مهملة نسبيا،و هذا التجربة قمت بها بنفسي. إذا الطريقة الأقل تكلفة لي ترجينا تكون الحل ماصدقاتش🤔.
ولكن من هذا المنبر تنقوليهم ماتخافوش فما الماء إلا مخلوق و جند من جنود الله، و لن يصيبنا إلا ما كتب الله لنا، لكن لا بد من أخذ الأسباب و الكمال على الله و من لم يستطع فلا يكلف الله نفسا إلا وسعها.
و من الأسباب لي خصنا ناخذوا من وجه نظري البسيطة هي كالتالي:
زيادة الإيمان بالله و التوكل عليه و الثقة الكاملة به و بقدرته على حمايتنا من كل الأمراض و الأوبئة و لو كنا في قلب الطاعون.
البسملة عند شرب الماء و الأكل و كل الأعمال الصالحة.
شرب الماء ثم شرب الماء ثم شرب الماء..... حتى ولو كان ملوثا أو مذاقه سيئ أو ثقيل، فشرب الماء يساعد الجسم على  تنقية الدم و جميع  الأعضاء و يساعد الكلية على العمل بكفاءة. تخيل أنه دواء مر يجب شرب 3 لترات منه كل يوم لإنقاذ حياتك.
استعمال القلل الطينية لدورها الكبير في إعادة إحياء الطاقة المائية للماء.
لمن يسر له شراء فلترات ذات جودة جيدة و لا تؤثر على معدلات الأملاح المعدنية في الماء فلا بأس.
لمن له أطفال صغار لا يطيقون شرب مياه الصنبور فليشتري لهم ماء معدني أو ماء الطاولة لتشجيعهم على الشرب أما الكبار فليصبروا على الدواء المر، فالخطر في قلة شرب ماء الصنبور، فليشربوا و يشربوا ويشربوا.
عدم تناول المشروبات الغازية و الكحولية و المعبأة الي تتهلك الكلية.
عدم شرب الماء البارد بكثرة، الإكثار من الفواكه الغنية بالمياه،الرياضة و النوم الصحي الى اخر ماتعلمون جميعا.
شكرا لكم .