لماذا انهارت شركة نوكيا و كوداك
ماهي الاسباب التي عجلت السقوط الحر لشركات عملاقه مثل نوكيا كوداك ؟؟ .. هذا ما سنعرفه في هذا الموضوع :
الزمان :1865
المكان : فلندا
المهندس فريدريك إدستام غيأسس شركة نوكيا ، فالبداية النشاط ديالها كان صناعة الورق والخشب،وبعد نهاية الحرب العالمية الثانية غيقررو يدخلو لمجال الالكترونيات والاتصال..
مشاو فهد الطريق وعاشت نوكيا ازهى فترات حياتها ، هواتف من الطراز الرفيع بحودة عالية قدرات تكتسح بهم العالم، فمكيناش شي دار الا ودخل لها هاتف نوكيا..
المنافس ديالها (موطورولا motorola) سيطر على السوق الامريكية ونوكيا شدات باقي دول العالم وكانت كتوصل الارباح السنوية ل 13 المليار دولار.. وا حولها نتا للدرهم وشوفها شحال غتعطيك..
بقات نوكيا عايشة فالعسل ومحد الارباح داخلا نسات مطوراتش راسها (متصدر لا تكلمني..)
حتى لسنة 2007 غتعلن شركة (آبل aplle) على أول آيفون كيخدم بالبصمة وفيه كاميرة ومزيكا وكلشي ناضي ومباشرة غتبعها سامسونغ لي طلعات طلعة صاروخية وبقات نوكيا عايشة فالعسل ديالها والوقت لي غتقرر تاهي تدخل الهواتف الذكية الادارة الغبية غترفض نظام الاندرويد لي اقترحاتو عليهم غوغل وفضلو نظام الويندوز فون ديال مايكروسوفت وهدي كانت الضربة القاضية لنوكيا حيت الزبناء ديالها غيرفضو هد النظام المعقد ووغتجهو لسامسونغ لي خدات الاندرويد باعتبارو ساهل وزوين، وابل لي دارت نظام تشغيل ios .. وعشان عيون الداهية ستيڤ جوبس (باعتبار ابل شركة امريكية فا غير السوق الامريكي كافي لضمان النجاح ديالها )
بقات نوكيا يوم علي يوم كتغرق فالخسائر وكل قرار من الادارة الا وكيزيد يغرقها أكثر والديون كتزاد عليها ، حتى ل2012 غيعلن بيل غيتس انه شرا قسم صناعة الهواتف من نوكيا وضمو لشركتو (مايكروسوفت) ونساحبو بهدوء من السوق ومشاو كملو فمجالات اخرى عندها علاقة بالاتصال نيت..
حاول بيل غيتس يرجع بنوكيا لما طرح هاتف nokia lumia لكن المحاولات ديالو بائت بالفشل بسبب اصرارو على على ا
نظام ويندووز فون لي صعيب بززاف مقارنة ب اندرويد وios
..........................................
كان عالم التصور كيعرف صعوبة كبيرة بحيث الى بغيتي تاخد تصويرة خاصك ماهي وما لونها...
سنة 1883 المهندس الكميائي (جورج إسمنت) غيأسس شركة كوداك (kodak)واخترع الشريط الكميائي او الفلم (داك الشريط لكحل ) لي مكيناش شي دار الا وعندها تاريخها ودكرياتها فه، كان عبارة عن ثورة واستطعت شركة كوداك تسيطر به على عالم التصوير لاكثر من 100 سنة..
كوداك دائما كانت سباقة للابتكار فسيطرات على صناعة الافلام السنمائية وكانو اول من اخترع الكاميرا المحمولة لي يقدر اي شخص عادي يستعملها وطابعات الصور واي منزل فه البوم كيجمع تاريخ افراد العائلة راه من صناعة شركة كوداك..
1975 وكأي يوم عادي عند الشركة الادارة مجتمعة حتى دخل عليهم أحد المهندسين لي خدامين عندهم سميتو(ستيڤ سيسون) وقدم لهم اختراع جديد قام به وكان عبارة عن كاميرة رقمية غتدير ثورة جديدة فعالم التصوير حيت مكتحتاج لا لفيلم ولا اورق الطباعة ، كليك وهانتا مصور بالاولوان، فصفقو عليه الادارة وگالو له براڤو عليك مي هد الاختراج مصالحش لنا حيت غيضيع علينا أرباح المبيعات دالفيلم والاوراق والطباعة و...
المهم گالو له سير رجع لبوسطك كمل خدمتك..
بعد 20 سنة منافسين كوداك فاليابان (sony، kanon، nikon) طاحو على الفكرة ومغيرحموش كوداك لانهم قراو فين غادي العالم نحو التقنية الرقمية وخدمو علي هد المنوال خصوصا (kanon) و (nikon) لي صنعو الات تصوير رقمية شي حاجة صداع استطعو ياخدو الريادة من كوداك لي رفضات التقنية من قبل..
كوداك بغات ترجع للمنافسة لكن لقات السوق هرب عليها وبعد عدة محاولات فاشلة اظطرو يعلنو على الافلاس رسميا سنة 2012 وبالتالي نهاية قصة جميلة دامت 139 سنة عندنا معاها كلنا ذكريات زوينة وليومنا هذا.
