واش الزواج زوين و لا خايب ؟
و موضوعنا اليوم عن " ما يجب ان نعرفه قبل الزواج "
غانجاوبك على هاد السؤال بصفتي متزوج ، بزاف ديال الشباب تيعتقدو باللي العلاقة اللي تتربطهم قبل الزواج هي اللي غاتبقى ورا الزواج ، خاصك تعرفي هاديك الرومانسية و الخروج و الميساجات ديال العشق و توحشتك و كانحبك راه تينقصو ورا الزواج لدرجة تينقارضو فشي حالات ، و بزاف ديال المشاكل بين الازواج تيكون هادا واحد من الاسباب ديالها ، المرا تتبغي الرومانسية ما تحيدش من العلاقة و الراجل تيغرق فمشاكل الحياة و تيكثرو عليه المصاريف و تينسى داكشي ديال الميساجات و الحب ، و تتولي العلاقة محدودة ف " جيب الخبز " " عمر البوطة " " غاتجي عندنا ماما و اختي " " مالك ما درتي هادي " مالك ما طيبتي الغذا " و بطبيعة الحال مانساوش الجنس و تأتيره على العلاقة بين الزوجين ، كاين اللي الجنس تيجمعهم و كاين اللي تيخاصمهم على حساب كل مرا و الرغبة ديالها و كل راجل و الامكانيات ديالو " طبعا الجنسية ههه " ، هادشي كامل ما تيمنعش ان بعض الازواج و انا واحد منهم العلاقة تتزيد تزيان مع الوقت و تتولي واحد النوع ديال الألفة افضل حتى من هذاك الحب و الرسائل ، و ضروري من التنازلات لان اي علاقة ناجحة خصك تعرفي باللي فيها تنازلات و تضحيات بزاف لا من الراجل و لا من المرا . الخلاصة " واش الزواج زوين ولا خايب " الجواب مرتبط فالاختيار النهار اللول ، كل واحد و معامن طاح و تيبقى الزواج قسمة و نصيب ، و يجب علينا الا ننسى بأن الزواج من أعظم النعم التي انعم الله بها على الانسان ، قال تعالى: "وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجاً لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ" [الروم:21
