كيفاش نلقى خدمة فالمغرب
 |
| كيفاش نلقى خدمة |
داخل لواحد الكروب ديال البحث عن العمل.. وكل مرة كنشوف المنشورات ديال الناس لي كتقلب على فرصة عمل، والناس لي كتنشر العروض.. الإنطباع السائد هو أن الكل يعاني من البطالة... كلشي تيقلب على الخدمة فالمغرب و ما لقاهاش
المهم واحد الصديق كان محتاج زوج ديال الناس يخدمو معاه، درت ليه الإعلان في الكروب، الإعلان كان فيه جميع المعلومات، يعني طبيعة العمل، المكان، الاجرة، والبريد الإلكتروني لإرسال السيرة الذاتية..
الملاحظة الاولى: بعض الاشخاص كيرسلو رسائل في الميسانجر، كيكتب ليك slt، وملي كتجاوبو بالسلام، كيرد عليك cv، وخاص تتجاوب معاه وتشاطي معاه، وعاد من بعد كيرسل السيرة ديالو (بالنسبة لي هادشي عادي، لكن كاين لي ماعندوش الخاطر يهضر في الميسانجر)
الملاحظة الثانية وهي الاهم: الأغلبية مكيعرفوش يقادو CV او السيرة الذاتية..
مثلا كتلقى سيفي بحال مخدوم غير في البلوك نوت، فيه زوج اسطر، زعما ما قل ودل..
او كتلقى معلومات غير واضحة على التجارب او التكوين او المهارات..
هنا تيتطرح السؤال : كيفاش نصاوب cv تكون احترافية ،
غادي نحاول نعطي بعض النصائح على السيرة الذاتية تقدر تنفعك :
أول حاجة : الاسم الكامل، العنوان، والسن (ماشي تاريخ الازدياد، ما تخليش المشغل يبقى يحسب شحال في عمرك) ورقم الهاتف. وبالنسبة العنوان، خاص تكون ذكي، ماشي العمل في عين السبع وانت داير في العنوان حي بعيد بحال الرحمة أو ليساسفة (حيث المشغل غادي يفكر في التأخير) أما لا درتي مدينة اخرى، صعيب يتصل بيك من غير لا كنتى إستثناء.
ثاني حاجة : العنوان ديال السيفي، يعني شنو البروفيل ديالك، واش تقني، او تقني متخصص، وشنو مجال التخصص..
ثالث حاجة : باش خاصك تبدا السيفي، واش التكوين ولا التجارب، وهنا ساهل تقرر، إذا عندك تجارب ديال سنوات كتبدا بيها هي الاولى، أما لا كنتي حديث التخرج، بدا بالتكوين ديالك.
رابع حاجة: الترتيب، يعني كتدا بأخر تكوين تلقيتي، ومن بعدو التكوين لي قبل، واخر حاجة هي الباك. حيث المشغل ملي كيشد السيفي كيبدا بالسطر الاول، ما خاصوش يبدا بمعلومات على الباك..
خامس حاجة : التواريخ : بالنسبة للتكوين كتدير الموسم الدراسي، وبالنسبة للتجارب، كتدير الاشهر والعام، مثلا : اكتوبر 2018 - مارس 2019 : وتقدر تكتب المدة بين قوسين.
سادس حاجة : المعلومات، خاص كل تجربة تكتب عليها شنو البوسط لي كنتى كتشغل، وشنو المهام لي كنتي كتدير...
سابع حاجة بيع المهارات ديالك، يعني خاص تكتب داكشي لي تعلمتي وكتعرف تدير.. وكاين المشغلين لي كيردو البال حتى للأنشطة (لوازير) ويقدر يسولك عليهم.
ثامن حاجة : حظ موفق
و ايلا بغيتي تستافد اكثر فهاد الموضوع جبت ليك اليوم تجربة احد الاشخاص اللي جا تيقلب على خدمة فمدينة الدارالبيضاء و لقى عراقيل كبيرة ، نخليوه يحكي قصتو
" ملي خديت دبلوم كنت متحمس بزاف باش نلقى خدمة بسهولة ، ولاكن الواقع حاجة أخرى لموهيم بحالي بحال ناس مشيت عند صاحبي صايب ليا سيرة داتية دار سيرة داتية ديالو و بدل فيها عل حساب دومين ديالي (الخطأ الأول). شديت داك سيرة داتية أمبرمتو و درت 100 كوبي (الخطأ الثاني). مشيت لكازا أقلبت على المناطق الصناعية (الخطأ الثالث) و بديت كنفرق في سيرة داتية على شركات و كنحطهم عند ناس ديال سكيريتي (الأمن ديال شركة) (الخطأ الرابع ). حتاش مكخلوناش ندخلو، رييحت في كازا أسبوع يوميا كنمشي ندفع أ خسرت بزاف ديال لفلوس (الخطأ الخامس ).
وعودت نفس لخطأ مرات كتيرة ديما كنرجع لكازا وكنقلب بنفس طريقة . ورغم لمحاولات الكثيرة مكانتش حتى نتيجة وأصبت بالإحباط ،ولكن مفقدش الأمل وبحث في الأنترنت على طرق جديدة ولقيت شركات لكتوسطو في لخدمة وتسجلت معاهم ولاكن بدون فإدة حتى تلاقيت بأستاد في الكوتشين لساعدني وعطاني طريقة ولحمد لله توفقت و تلقيت ردود من بعض شركات من أجل مقابلات مهنية ومشي غير وحدي لنجحت معاه هاد طريقة ولاكن حتى صحابي لبارطاجيتها معاهم وقلت علاش منساعدش ناس أخرين كف ساعدني هاد شخس .
تقريبا نسبة كبيرة كدير هاكدا، خاسكم تعرف، كل حاجة عندهاقواعد وباش نلق خدمة خاسني :
نشوف شركة لي انا باغي نخدم فيها ندرسها مزيان و نعرف المناصب لفيها واهم حاجة المنصب لمناسب ليا ولمهمة اللي كيقوم بيها وهادشي ميحتاجش نمشي حتى لكازا كين غوغل ولي خاسو مساعدة يكتبها.
نصايب سيرة داتية لغاد تكون مرتاكزة على المنصب للقيت في لبحث ديالي وناخد واحد الموديل من غوغل خاوي ميكونش ديال شي واحد ولي معرفش يقلب نساعدوه.
في هاد المرحلة خاسني ندفع السيرة الداتية للشركة و هنا مكين لاش نمشي حتى لكازة وندفع ولا نصيب 200 كوبي ولاكن نشوف البريد الإلكتروني ديال مسئول تقني أو الموارد البشرية إلاملقيتش نسول شي حد خدام فيها او نعطيه السيرة الداتية يدخلها لموارد البشرية. في حالت لقيت البريد الإلكتروني نرسل ليه المايل ولاكن نختار الوقت المناسب
وأحسن وقت هو يومي الجمعة و الأحد حقاش هادو هما الوقت لكيكون فيهم المسؤلين مرتاحين ومستاعدين يقراو الطلبات
جا وقت الإنتظار بيني وبنكوم مكينش وقت ديال إنتظار لجا وقة دابا هو تشوفو شركة أخرى واحدة مور الأخرى حتا تكملو من لولة عاد دوزو لثانية
بقات أهم حاجة صبر و ديرو ليقين ديالكم في الله وأتمنى لكم التوفيق "
كلمات مفتاحية : البحث عن عمل في المغرب
كيف أجد وظيفة في المغرب
