كيف احمي بيتي من مافيا العقار بالمغرب
كيف يمكنك امتلاك عقار في المغرب بصفر درهم ؟ إذا ظهر لك هذا السؤال غريب فلا تستغرب إن عرفت الاجابة و انه ممكن جدا ان يضيع منك ملكك لصالح شخص آخر حتى و لو لم يدفع لك سنتا واحدا ...
كيف تستحوذ مافيا العقار على الممتلكات من اراضي و بنايات بالمغرب ؟ و ما هو الحل لمنع مافيا العقار من الاستحواذ على الممتلكات ؟ هل يمكن ان احمي ملكيتي من مافيا العقار ؟ هذه هي الاسئلة التي سنجيب عنها في هذا الموضوع .
بسم الله الرحمن الرحيم ،
مافيا العقار هي واحدة من مشاكل العقار بالمغرب العديدة، هل تعلم ان المادة 2 من مدونة الحقوق العينية ، وهي المادة الخطيرة التي تساعد مافيا العقار على الاستيلاء قانونيا ، ايه اعمي قااانونيا سطر عليها مزيان ، على اراضي و ممتلكات الغير ، إذا لم تلجأ الى دعوى الإبطال في 4 سنوات ....يعني الى انت مول الملك ما تعرضتيش ف ظرف 4 سنوات على العقد المزور و حبستي العملية ديال النصب ...ضربك تران ...وكيدخل الملف ف إطار التقادم ...ومشات على عينيك ضبابة ....
نرجعوا شوية اللور و نقسموا الموضوع لجزءين
* الجزء الأول : كيف تتم عملية النصب و استغلال هده الثغرة القانونية ...وغادي نشرح ليك مزيان كيفاش مافيا العقار تينهبوا الاملاك ديال المواطنين.
* الجزء التاني : وهو حصري و ماسبقش تطرق ليهم شي واحد و هو كيفاش تحمي الملك ديالك من هاد طرق النصب ...
المهم ...على بركة الله ،
الجزء الأول : هاد المافيا كيخدموا ف مجموعة ...يعني مايمكنش هاد العمليات يقوم بيهم واحد فقط من هنا جات كلمة مافيا 🔫 ...اولا يقلبوا على العقار اللي غادي يكون موضوع النصب ...بطبيعة الحال خاص يكون ساوي تمن يستحق العناء ...و يبحتوا شكون مولاه ...يعني الدراسة ههه
ف مرات كيستهدفوا مغاربة و مرات كيستهدفوا اجانب ...
نعطي متال ديال ضحية اجنبي : كيقلبوا على سيدة او زوجين كبار ف سن مقيمين ف المغرب او عندهم عقار ب المغرب ...ف الغالب كيكونوا ولادهم ف الخارج ...احنا عارفين ان هادوك ناس ماعندهمش روابط أسرية بنفس قوة روابط الأسرة الشرقية بصفة عامة ، كل واحد كيعيش لنفسه فقط ...نفترض أن العقار هو فيلا ...المافيا كتمشي دير عقد بيع عرفي ( متلا على شكل هبة ) مزور بين السيدة جاكلين من جهة و من جهة اخرى السي عمر ( الكاميكاز ...واللي كيكون شخص لا حول له ولا قوة ...على قد الحال كيطمعوه بشي بركة ... ) كيعطوه صفة انه جاردينيي عطفات عليه مدام جاكلين ...و عطاتها له هبة ....
كيسجلوا العقد العرفي و يدفنوه ...ويحطو رجل على رجل يتسناو دوز 4 سنوات ههههه الى وقعات شي حاجة دعوة او ماشابه يمشي فيها الكاميكاز 😂😂😂بالانتحاري لاخوور 😂😂
ع كتسالي المدة كجيبو الكاميكاز يدوز البيع مع احد افراد العصابة ..... وسالا الفيلم ... كيفرقوها بيناتهم ...
بنفس الطريقة تقريبا كيدوزو الفيلم على المغاربة ، يعزلوا شخص كبير ف السن ..عندوا مثلا منزل من طوابق عدة ، نهار يموت يجي شخص غريب ف يدوا اليمنى حكم بالافراغ و اليد اليسرى شهادة الملكية .... ويمكن تتخيلوا صدمة اهل الفقيد ...😢 واش كاين شي حل لهاد المعضلة
الجزء التاني : الحلول كاينة و هنا غانهدرو على اربع حلول :
- حل كلاسيكي تكونصيلتي الملكية ديالك كل مرة ، يعني مرة في اربع سنوات تسول على الملكية ديالك فالمحافظة و ايلا كاين شي عملية نصب تعترضها.
- الحل الثاني إدير اصورانص ...بطبيعة الحال هاد الحل غالي و ماشي عملي
- الحل الأسهل ..هو انك تمتلك فيلا ساوية مليار او دار ساوية 200 مليون المهم ماخاصك حتى خير ...سير اخويا للبانكة قول ليهم بغيت واحد 100000 درهم او 50000 درهم كريدي ...بضمان الفيلا او الدار ..وفرقوا على 20 سنة متلا شحال غادي تجيك تريتا 400 درهم 😂😂😂 رخيصة و فعالة .....كتولي البانكة واضعة اليد على الملك ....l'hypothèque ...مافيا العقار تضرب حتى تعيى ف الاخير خاصها تجيب رفع اليد main levé. ...كتولي العملية مستحيلة .
- آخر طريقة عندك شركة ولو ف الوراق و انت هو المسير ...و عندك فيلا او دار ....كتنوض كتسلف انت بصفتك الشخصية من الشركة (اللي هي ديالك ) 5 مليون بضمان الفيلا ....ودير حجز على الفيلا ....فهمت آزين عملية ساهلة و غير مكلفة ...
المرجو مشاركة المنشور و الاعجابات حتى يستفيد الجميع .
