كراء السيارات بالمغرب : اقرأ هذا المقال قبل ان تكتري سيارة

إلا كنتي من الناس كتكري طموبيل 🚗🚗🚘🚘 باش تسافر بيها، قرا باش تستافد 👇👇 ؛ حيث كاين قوانين و مشاكل خصك تكون عارفها قبل ما تكري شي طوموبيل

بالنسبة لناس كي كيكريو الطموبيل وكيحطو شيك ضمانة
للتذكير : داك الشيك ضمانة ماشي قانوني و لي شدو ارتكب جريمة، لكن كيفاش تحمي راسك.

-اولا ضروري تسول مول الوكالة اينا نوع من التأمين داير واش "tous risques" ولا عادي ، لا ماكانش "tous risques" حاول ما تكريش عندو حيت غادي تولي ف مشاكل انت في غنا عنها..

-تانيا بعد على الطموبيل الغالية ولا لي عاطية للعين أو جديدة لانها ماشي في صالحك....كيفاش ... حيت فاش غدير كسيدة غتقام غالية فالإصلاح يعني نتا غتخلص كثر .اختر وحدة على قد الحال أمارش باش تا إلا طرات شي حاجة المصاريف غتكون اقل و غتخلص اقل.

-ثالثا هداك الشيك لي غتعطي ضروري دير فيه التاريخ وخا يقولك لا.... ديرو صحة ولا ماتكريش من عندو وهاد التاريخ غيلعب دور كبير باش تخليه هو يقلب يفاريها معاك بالتي هي احسن فالوقت لي هو لي كان غادي يبتزك، غنشرح كيفاش..

فاش كدير كسيدة مول الكرا راه داير تأمين على الطموبيل إدن غتعوضو الشركة. لكن لا يعني انك ماغتخلص والو ،لان التأمين ماغيعوضوش 💯ف💯، نتا غتخلص واحد الفرق لي هو 10% او 5% لي باقي كتسما "Franchise "،باش مول الوكالة يرجع لو رزقو كامل لي خسر عليها باش تصايبت مايمكنش يتعوض ب90% مثلا و 10% يخلصها من جيبو لانه كراها ليك و نتا لي درتي كسيدة .

دابا مالين وكالات اش كيديرو ، و كاين فيهم نصابة ولقاو لي ما عارفش القانون و كينصب عليك ، متلا الخسائر كاملة 4 ديال المليون ، كتعوضو شركة التأمين ب 3 ديال المليون (سقف التعويض ) و كيقولك تانتا خلص ليا 3 ديال المليون تعويض...وهكا كيصدق ضارب 6 ديال المليون و الخسائر اصلا كلها قيمتها غير 4 ديال المليون... صدق صاوب طموبيلتو كيما كانت و ربح 2 دالمليون من الفوق (نصب).

مامبغيتيش كيكتب فالشيك لي عندو خاوي 3 ديال المليون و كيدير فيه التاريخ و نتا ديجا سانيه و كيدفعو للبنكة كان عندك الرصيد كيتقطع ليك ماكانش كتقيد عليك اصدار شيك بدون رصيد و تمشي للمحكمة و كتحكم عليك بالحبس زائد غرامة وخا دبر على الفلوس وتخلص مول الشيك باش تعتق راسك زعما، لكن غدوز الحبس و تخلص الغرامة، لانك درتي جريمة تابتة فحقك وهي اصدار شيك بدون رصيد عاد خلص خونا ولا كاع ماتخصلو لان ماكيبقاش عندك موشكيل معاه، كيولي مع المخزن .

دابا نرجعو للقالب التاريخ فالشيك...

التاريخ فالشيك لا درتيه نهار عطيته ليه ،و بقا يستفزك بيه لان غالبا ماكيدفعوش حيت لا دفعو نتا غدوز الحبس و تخلص غرامة للمحكمة و هو ما يربح والو معاك....

من جهة اخرى ديما خصك تعرف شركة التأمين واش عوضت مول الوكالة ولا لا و شحال عوضاتو باش نتا تخلص غا الفرق لي غيكون قليل لي هو 10 % من الخسائر،وكاين شي خسائر نتا ماخصك تخلص تاريال هو اصلا علاش داير التأمين ،وفي حالات مثلا كنتي سكران او حرگتي ضو الحمر و درتي كسيدة راه نتا عندك فيها المسؤولية ادن خصك تخلص 10 %.

الخسائر كيقيمها خبير ماشي ميكانيسان عندو كراج هو لي كيديك عندو حيت عشيرو ،بان ليك داكشي مبالغ فيه قلو نجيبو خبير. درت كسيدة مرحبا شحال ديال الخسائر ،شحال عوضاتك شركة التأمين ،شحال جا فحقي نعطيك و نبينا عليه السلام...

لا قريتي هادشي راه عمرك تقولب وعمر ينصب عليك شي واحد😉