عيون

علاش الناس تيتغيرو و يتبدلو مع الناس و المعاملة ديالهم تتولي مختلفة مع مرور الوقت و الزمان ، لماذا يصبح الصديق عدو و يتحول الحبيب إلى غريب ،  لماذا يتغير الشخص معك من حال إلى حال ، واش هاد الناس بوجهين أو أن هذا الامر عادي ، واش هاد الامر ممكن اعتباره خيانة أو أنه شئ جاري به العمل في العلاقات الانسانية ، اول حاجة كيتخلى عليها الاعمى عندما يبصر و يولي كيشوف هي العصا ديالو ...العصا ديالو لي كانت معاه فاصعب ايامه و اللي كانت عكازه  و سنده فالطريق، العصا لي كانت مكانش كيفارقها و مكيتخلاش عليها  .  كاين لي غيشوفها خيانة و نذالة و كاين لي غيشوفها امر طبيعي و عادي . و لكن علاااش ؟ الانسان بطبعه كيهمل و كيتخلى على الاشياء للي مكتشكلش ليه قيمة مضافة فحياتو ، و هادشي كينطبق حتى على العلاقات الاجتماعية ،شحال من شخص كنتي معاه فاسوء الايام ديالو و ملي فاتت ديك المرحلة  نساك ،  يقدر يكون مكانش مقدر قيمة داكشي لي كنتي كدير و كان كيشوفو عادي ، يعني متوقعش انه يرد لك المثل ، ببساطة . كلنا كنديرو هاد القضية لا شعورياً ، بزااف الناس تبادلنا المشاكل و الهموم معاهم و هدرنا لساعات يومياً و معرفن

قد يفسد الظالم على المظلوم ( دنياه ) لكن سيفسد المظلوم على الظالم ( أُخراه ) ، فما أضيق الارض أمام سعة السماء ، هذه العبارة تلخص كل شئ فالله سيقتص لكل مظلوم من ظالمه و ربما في الدنيا قبل الاخرة فمن أعظم ما يهون على المظلوم مرارة الظلم أمران : الأول : علمه بأن الله يعجل للظالم عقوبته ولو بعد حين (إن ربك بالمرصاد ) الثاني : أن الله جعل منزلة في الآخرة وهي القصاص ليأخذ المظلوم حقه كاملا من الظالم (فلا تظلم نفس شيئا ) فهذه رسالة للظالم ، قل ما شئت وافعل ما شئت ، إظلم من شئت ،وخذ مال من شئت ، بل أزهق  أرواح من شئت ، فالموعد قنطرة لا ينفع عندها مال ولا ولد ولا منصب ولا كرسي الدواوين عند الله مختلفة فما كان من حقوق الله فالله قد يغفرها للعبد أما ديوان المظالم المتعلق بالخلق فلا يغفره الله ولا يخفى عليكم حديث المرأة التي ذكرت لرسول الله انها تقوم الليل ولا تنام وتصوم النهار ولا تفطر وتتصدق بالكثير الا انها تؤذي الناس بلسانها قال لا خير فيها هي في النار ماذا يفعل المظلوم عند ظلمه ؟ الجواب : أكثر شيئ يفعله المظلوم أن يردد عبارة " حسبي الله و نعم الوكيل " فهي ما قل و دل

اينشطاين صاحب نظرية النسبية موضوع للناس لي باغين يتعرفوا على بعض اللمحات عن النظرية النسبية لي غيرات العالم كامل وهرسات قوانين فيزيائية كبيرة  مهم قراو المنشور متأكد أنه غايعجبكم  واخا طويل شوية واش عمرك فكرتي تتزوج بشي ضفذعة؟، واش الشوكولا بصح حلوة؟، واش لون الدم حمر ؟، علاش ما تلوحش ولدك فكوكوط وتزيد عليه شوية العطرية والزيت وتخليه يتحمر باش تعشَّا بيه؟. فهاد لبحث غنهضر على واحد النظرية اللي بقدر ما خلاتنا نفهمو الكون، بقدر ما حمقاتنا وخلاتنا ما فاهمين والو، ببساطة هي نظرية النسبية اللي بانت مع غاليليو وبرهن عليها آينشتاين فحدود1905 فما فوق بشكل علمي، قبل ما يجي هاد النابغة كان العلم محصور فقوانين نيوتن الثابتة حول الحركة، واللي كتقول أيضاً أن الزمن شيء مطلق كيجري على الكون كامل بنفس الطريقة، ولكن مني جا آينشتاين، جاب لينا نظرية جديدة ومعقدة وغريبة، واللي ما كان حتا شي واحد فاهمها إلاَّ ثلاثة ديال الناس فالعالم، ولكن إدجنتون قاليك آشمن ثلاثة؟، راه غير جوج فلعالم اللي فاهمينها، هو وآينشتاين . بينما فالعصر ديالنا أي واحد قرا مبادئ الفيزياء يقدر يهضر ليك على النسبية، ورغ

60 مليون قطعة تتباع سنويا من هاد المشطة المسماة عند المغاربة بالبروصة و التي هي من اختراع  رجل الاعمال" عبد العزيز التازي" ، الانسان لي راكم ثروة خيالية من الصفر ، حيث انه كان تايشتاغل كمصلح لاجهزة الراديو  بعد موت والده فمرحلة المراهقة  ، التازي كان عزيز عليه البريكولاج و كان فالليل تايبغي يصفف شعرو لكنه كان تايلقا ان المشط الفرنسي فالاسواق غالي و كان طويل  و يصلح لشعر الفرنسيين حيث رطب ،  وهنا با " التازي"   كانت مخربقاه هاد القضية و من بعد اتجيه واحد فرصة يضرب تسركيلة ففرنسا و شاف مادة البلاستيك لي كانت عاد باينة و بقا مبهور بيها و هنا تنبأ ان البلاستيك ايدير ثورة وهو يطيح عليه فكرة يصنع مشط منو ، حيث جاتو الفكرة يكون دائري باش يكون صغير و يدير منين يتهز صغيرة و لحاجة لي ركز عليها هو المشطة متهرسش نهائيا ، وهكا با " التازي" ايخرج مشطة من الورشة الصغيرة لي كاينة فالبرتوش ديالو فحي لاجيروند فكازا و ايديها لدرب عمر باش يسوقها و غادي دير نجاح كبير بسبب انها صغيرة و رخيصة و متتخسرش و ايوليو المغاربة تايستعملوها بزاف ، حيث العيالات كانو تايمشطو بيها

بغيتي تزوجي وفي اقرب وقت؟! بغيتي يكون بالشكل لي بغيتي وبالموصفات لي بغيتي شخصيتو قوية كيصلي عندو الفلوس متقي الله حنين رومانسي متفهم كولشي فيه زوين؟ ماعندكش الاولاد مزاال ما سهل عليك الله فيهم بغيتي تولدي بنوتة غزالة كتحمق ولا وليد يكون محرم ديالك وفي كتافك ؟ بغيتي تخرجي من الفقر لي نتي فيه ؟ بغيتي تبراي من المرض لي عندك؟ بغيتي الله ياخد ليك الحق من الناس لي جرحوك ؟ بغيتي راحة البال السعادة؟ هادشي كولو ممكن يتحقق ليك وفي مدة وجيزة بغيتي تعرفي كيفاش؟ مغاديش   طلبي شي حد ومغاديش تقلبي على هادشي عند شي حد  مغاديش دلي راسك ومغاديش تشكي همك غادي ديري هادشي لي غانقوليك بالحرف وتيقي بيا أن هادشي غايتحقق وبالتفاصيل ١ حافظي على صلاتك ودعي بحرقة في سجود ديالك قولي الله كولشي لي بغيت ماتنساي تا شي تفاصيل متقوليش بغيتو غير هاكا وهاكا لالا طلبي كولشي نتي طلبي لي عندو خزائن السموات والأرض 2زيدي شي ركيعات فجوف الليل وتاس ناعسين فرشي سجادتك ولحي على الله وخا يطول الوقت الله غي كيختبر صبرك وتقتك فيه تقربي منو بزاف حنت هو قرب منك ليه 3 لزمي بالاستغفار ونتي كتشقاي ونتي خارجة ونتي جالسة فهو عندو سر

ما تبقاش اتيق فهاداكشي اللي كيلوحو الناس فالبروفايلات ديالهم فالفيسبوك هاد السكرين شوت تخاد من البروفيل ديال هاديك ختنا اللي قتلات ولد صغير في العرائش و قطعاتو طروفا و لاحتو فالزبل و ذنبو الوحيد انه ولد راجلها يعني ربيبها ، الدري مسكين والديه اطّالقو و وولى عايش مع مرات ابّاه ، لقاو الجثة مقطوعة و مليوحة فالزبل و ما لقاوش الراس ديالو و بعد التحقيقات و مراقبة كاميرا المدرسة اللي كان مسكين تيقرا فيها ، اكتاشفو باللي هي اللي جات خداتو من المدرسة و هي اللي قتلاتو و المصيبة الكبرى احتفظت بالراس فالثلاجة ، ايلا شفتي البروفيل ديالها فالفيسبوك غاتلقى اكثرية المنشورات هي دينية  و كادافع على الحجاب ديالها و تتبارطاجي من صفحات دينية و ما يمكنش تقول عليها انها ممكن تقتل دري صغير ، هادشي علاش ما خصناش نبقاو نحكمو على بنادم من خلال هاداكشي اللي تيبارطاجي و ما نحمكوش على بنادم من خلال الشكل او الهدرة ديالو راه يبان ليك خروف و هو فالاصل ذيب ، منشور واحد هدرات فيه على القتل و تبعاتو بضحكة  hhhhhhhh لكن صدق هو اللي صحيح فهاداك البروفيل كامل .. فيما يلي قصة فردوس قاتلة الطفل محمد بمدينة العرائ

كيفاش نلقى خدمة شهادة : داخل لواحد الكروب ديال البحث عن العمل.. وكل مرة كنشوف المنشورات ديال الناس لي كتقلب على فرصة عمل، والناس لي كتنشر العروض.. الإنطباع السائد هو أن الكل يعاني من البطالة... كلشي تيقلب على الخدمة فالمغرب و ما لقاهاش المهم واحد الصديق كان محتاج زوج ديال الناس يخدمو معاه، درت ليه الإعلان في الكروب، الإعلان كان فيه جميع المعلومات، يعني طبيعة العمل، المكان، الاجرة، والبريد الإلكتروني لإرسال السيرة الذاتية.. الملاحظة الاولى: بعض الاشخاص كيرسلو رسائل في الميسانجر، كيكتب ليك slt، وملي كتجاوبو بالسلام، كيرد عليك cv، وخاص تتجاوب معاه وتشاطي معاه، وعاد من بعد كيرسل السيرة ديالو (بالنسبة لي هادشي عادي، لكن كاين لي ماعندوش الخاطر يهضر في الميسانجر) الملاحظة الثانية وهي الاهم: الأغلبية مكيعرفوش يقادو CV او السيرة الذاتية.. مثلا كتلقى سيفي بحال مخدوم غير في البلوك نوت، فيه زوج اسطر، زعما ما قل ودل.. او كتلقى معلومات غير واضحة على التجارب او التكوين او المهارات.. هنا تيتطرح السؤال : كيفاش نصاوب cv تكون احترافية ، غادي نحاول نعطي بعض النصائح على السيرة الذاتية تقدر تنف